एसपीको जन्म दिनमा रेडक्रसलाई सहयोग

बिर्तामोड, जन्म दिनको अवसर पारेर झापा बिर्तामोडका एक युवा व्यवसायीले नेपाल रेडक्रस सोसाइटीलाई मानवीय सेवाका लागि भन्दै आर्थिक सहयोग गरेका छन् ।
बिर्तामोड– ३ निवासी युवा व्यवसायी श्याम प्रसाई (एसपी)ले नेपाल रेडक्रस सोसाइटी उपशाखा बिर्तामोडलाई २५ हजार ९ सय ९९ रुपैयाँ आर्थिक सहयोग गर्नुभएको हो । सानो सहयोगले कसैको जीवन बचाउन नेपाल रेडक्रस सोसाइटीलाई सहजहोस् भन्दै आफूले जन्म दिनमा गरिने फजुल खर्चलाई कटाएर सेवाभावले रकम गरेको प्रसाईले बताउनुभयो । उहाँले भन्नुभयो – नेपाल रेडक्रस सोसाइटी सहयोगी मनबाटै सञ्चालित छ , म जस्तै अरुले पनि थोरै – थोरै सहयोग गर्दै जाने हो भने संकटमा कसैको जीवन बचाउन सकिन्छ ।’
प्रसाईले ४५ औं जन्म दिनको अवसरमा बिर्तामोडस्थित वाणिज्य संघको सचिवालयमा आयोजित कार्यक्रमकबीच सहयोग रकम हस्तान्तरण गर्नुभएको थियो । उहाँले नेपाल रेडक्रस सोसाइटी झापाका सभापति लोकराज ढकाललाई सो रकम बरावरको चेक हस्तान्तरण गर्नुभयो ।
रकम हस्तान्तरण समारोहमा नेपाल रेडक्रस सोसाइटी बिर्तामोड उपशाखाका सभापति सजेश सवाकोटी, बिर्तामोड उद्योग वाणिज्य संघका अध्यक्ष कुमार भट्टराई, युवा व्यवसायी विनोद वस्नेत, मनोज अग्रवाल , धिमाल समाजका केन्द्रीय सदस्य गोविन धिमाल लगायतको आतिथ्य रहेको थियो ।
प्रसाई जय हनुमान सप्लायर्स र कृष्ण रोडवेज ढुवानी सेवाका सञ्चालक हुनुहुन्छ ।