रन्जु विडारी रेग्मी
डिस्कोमा सीता खाडीमा हजारौं राम भेटिन्छन्
रामको पसिनाले देशमा बस्नेलाई माम भेटिन्छन् ।
डिग्रीको प्रमाणपत्र दराजमा ,खेतीपाती बाझो राखी
हेर्नुस् विदेशीने युवाको ,मेनपावरमा लाम भेटिन्छन् ।
छोराछोरी श्रीमतीलाई बजारमा राखी उड्छ छोरो,
गाउघरमा युवा होइन सबै अस्ताउदा घाम भेटिन्छन्।
फोहोर बाट मोहोर टिप्छ,छिमेकीले कबाड बटुली
देशका युवा सधैं सोध्छन्, यहाँ के काम भेटिन्छन् ।
कमाएरै फर्के त हुन्थ्यो हजुर ,विदेशीने युवाहरु सबै
अखबारमा सधैं परदेशमा मर्नेहरुको नाम भेटिन्छन्।
