पर्यटकीय गन्तव्य इलाम

साहित्यकारहरुले इलामको बारेमा धेरै व्याख्या गरेका छन् । साहित्यकार भूपी शेरचनले आफ्ना कविताहरुमा इलामको बर्णण गर्दै ‘नेपालका सबै क्षेत्रमा अलि अलि भए पनि इलाम छर्न पाए हुन्थ्यो’ भनेका छन् । कसैले इलामलाई पूर्वको हीरा भनेका छन् भने कसैले प्रकृतिको अनुपम उपहार । हुन पनि इलामको वातावरणीय अवस्थितिलाई देखेर नलोभिने मानिस कमै हुन्छन् । यही प्रकृतिको उपहारलाई ग्रहण गर्दै इलामले आफूलाई पर्यटकीय गन्तव्यको रुपमा विकास गर्दै गइरहेको छ ।

हरियो चिया बगानको पर्यायका रुपमा चिनिने इलाम सात अ (अलैंची, अदुवा, अम्मिसो, अकबरे, आलु, ओलन र अग्यानिक चिया)ले दोस्रो इलामको परिचय दिने गरेको छ । यही सात ‘अ’लाई व्यवस्थित गर्दै इलाममा एग्रो टुरिजमको विकास भइरहेको छ ।